Dormu milde - Kajto

Ĉi tiu estas tre bela kanto, nomita "Dormu Milde", de la grupo "Kajto".

Mi ne povas fari multe: la dolĉaj kantoj ĉiam plaĉas al mi!

Sekvonta estas la teksto de la kanto:

Suno moŝta post minuto,

Diafana gemrubeno,

Riverencos kun saluto

Al la nokta suvereno.

Luno brila el sateno

Jam arĝenta en ĉielo.

Ĉio mutas en sereno.

Dormu milde, brilas stelo.

Infanetoj dum balbuto

Time ploras sen ĉagreno.

Trankviligas ilin fluto

Kaj fabelo pri delfeno.

Kaj malantaŭ la kurteno

Kvankam regas la malhelo,

Ili kuŝas sur kuseno.

Dormu milde, brilas stelo.

Nek diskuto, nek disputo,

Foren pluas la promeno

En kupeo aŭ kajuto

Trans la montoj ĝis haveno.

Morgaŭ floros la mateno,

Belos kiel akvarelo,

Sed silente nun sen ĝeno

Dormu milde, brilas stelo.